Tural Turan


Qırışlar...

Daha yetməz dodağının istisi,
Üzümün qırışını ütüləməyə...
Qırışlarım at nalı, soyuq-soyuq döyülməz;
İçində paslı mismar,
Çıxışına əyilməz...
Qırışlar sənin möhrün,
Ey ayrılıq xəttatı -
kimi alın yazısı, kimi deyir bayatı...
Alnıma yazdıqların, indi sənsiz boy atır...
İstədim ki, qoymayam
İçim sənsiz göynəyə,
Nə yalan deyim,
Qısqandığın qızlar da
Daha axın gəlmir, sən ətirsiz köynəyə...