Göygöl şəhər Mərkəzi kitabxanasının uşaq şöbəsi azyaşlı oxucuların bədii zövqünün formalaşdırılması, onlar arasında mütaliə mədəniyyətinin yüksəldilməsi, eləcə də daha yeni oxucuları kitabxanaya cəlb etmək məqsədilə kitabsevərlər üçün “Açıq kitabxana günü” təşkil edib.

MANERA.AZ xəbər verir ki, bu məqsədlə kitabxananın qarşısında “Ən çox oxunan ədəbiyyat”, “Yeni kitablar” və “Hər kitab yeni bir dünyadır” başlığı altında kitablar sərgilənib.

Sərgidə kitabxananın daimi üzvləri ilə bərabər yeni üzvləri də iştirak ediblər.

Qeyd edək ki, balaca oxucular daha çox illüstrativ materiallarla zəngin olan yeni nəşrlərə üstünlük verirlər.