Qarabağ Universitetində Nizami Gəncəvi irsinə həsr olunmuş elmi seminar keçirilib.

MANERA.AZ xəbər verir ki, Qarabağ Universitetinin Tədqiqat və innovasiya mərkəzi, Pedaqoji fakültəsi və Nəşriyyat və kitabxana mərkəzinin birgə təşkilatçılığı ilə “Nizami Gəncəvi yaradıcılığına komparativist baxış: Nizami və Dante irsinin müqayisəsi kontekstində” mövzusunda elmi seminar keçirilib.

Seminarda Filologiya kafedrasının müdiri, filologiya elmləri doktoru, dosent Əzizağa Nəcəfov Nizami Gəncəvinin dünya ədəbiyyatındakı mövqeyi, əsərlərinin Şərq və Qərb ədəbiyyatına təsir mexanizmi barədə məlumat verib. O, həmçinin Nizaminin “Xəmsə”si ilə Dante Aligyerinin “İlahi komediya”sı arasında aparılan paralellər və kəsişən məqamları nümunələrlə izah edib.

Tədbir məruzə ətrafında müzakirələrlə davam etdirilib. Sonda iştirakçılar Nizami Gəncəvinin əsərlərindən ibarət kitab sərgisi ilə tanış olublar.