Şair Xaqani Ayxanın "Ağaclar payızda çiçəkləyəndə" adlı şeirlər kitabı çap olunub.

MANERA.AZ xəbər verir ki, kitab Bakı "Red N Line" nəşriyyatında işıq üzü görüb.

Kitabın redaktoru şair Zirəddin Qafarlı, ön sözünün müəllifi filologiya elmləri doktoru, professor Vaqif Yusiflidir.

Xaqani Ayxan 1965-ci ildə Masallı rayonunun Xocavar kəndində anadan olub. 1987-93-cü illərdə Azərbaycan Neft və Kimya İnstitutunu (Azərbaycan Dövlət Neft və Sənaye Universitet) bitirib.

Qeyd edək ki, Xaqani Ayxan dövri mətbuatda dərc olunmağa 1993-cü ildə "Yol" ədəbiyyat qəzetində başlayıb. Azərbaycanda demək olar ki, əksər qəzet və jurnallarda şeirləri dərc olunub.