Saytımızda yeni layihə fəaliyyətə başlayır.

"Yaradıcılar" adı altında təqdim olunacaq bu layihənin məqsədi Bakı Slavyan Universitetinin Yaradıcılıq fakültəsinin dinləyicilərini geniş oxucu kütləsinə təqdim etməkdir.

Yaradıcılıq fakültəsinin məzunları sabahın ədəbi və mədəni proseslərinin aparıcıları olacaqlarından cəmiyyətin həmin adamları indidən tanımaları çox vacibdir.

Bu baxımdan əməkdaşlarımız dinləyicilərdən müsahibələr alacaq, sorğular keçirəcək, onların yaradıcılıqlarından nümunələr seçərək oxuculara təqdim edəcəklər.

Həmçinin mütəmadi olaraq fakültə müəllimlərinin gənc yaradıcılar haqqında rəyləri də dərc ediləcək.

Elman,
MANERA.AZ