Azərbaycan Dövlət Akademik Opera və Balet Teatrı koronavirus pandemiyası ilə əlaqədar karantin şəraitində bu il bir qədər fərqli şəkildə öz tamaşaçıları ilə görüşəcək.

Mədəniyyət Nazirliyindən Manera.az-a bildirilib ki, bu məqsədlə teatrın virtual repertuarı tərtib edilib.

Belə ki, sentyabrın 23-də M.Maqomayevin “Şah İsmayıl” operası, sentyabrın 26-da V.A.Motsartın “Hamı belə edir” operası, 27-də N.Əliverdibəyovun “Cırtdan” uşaq operası və sentyabrın 30-da Q.Qarayevin “Yeddi gözəl” baletinin tamaşaları nümayiş olunacaq.