Azərbaycanda koronavirusun ikinci dalğası təhlükəsi var.

Manera.az xəbər verir ki, TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində çıxışı zamanı deyib.

R.Bayramlı bildirib ki, son günlər yoluxma dinamikasında artım müşahidə olunur.

“Yoluxma hallarının artması gözlədiyimiz ikinci dalğanın nəticəsidir. Biz ikinci dalğanı gözləyirik və buna tam hazırıq”, - o bildirib.

R.Bayramlı qeyd edib ki, yoluxmanın artması vətəndaşların məsuliyyətsizliyindən qaynaqlanır.

“Hazırda 771 aktiv xəstə var, 1621 nəfər sağalıb. İntensiv terapiyada 22 xəstə var, 9-u süni tənəffüs aparılan qoşulub”, - TƏBİB sədri deyib.