Bu gərgin şəraitlə əlaqədar ola bilər ki, vətəndaşlarımızın, tibb işçilərimizin psixoloji dəstəyə ehtiyacı olsun.

Manera.az xəbər verir ki, bunu bunu TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib. O, əhaliyə psixoloji dəstək göstəriləcəyini söyləyib :

"Bu baxımdan həm tibb personalına, həm ictimaiyyətə , həm də karantin rejimində olan vətəndaşlara psixoloji dəstək məqsədilə bu günlərdə psixoloji yardım mərkəzi yaradırıq. Bura həm çox təcrübəli psixiatr həkimlərimiz həm də psixologiya üzrə yetişmiş mütəxəssisləri cəlb etmişik. Mərkəzə necə müraciət ediləcək və bu dəstək hansı formada veriləcək bütün mərhələləri hazırlanıb və qısa müddətdə açıqlanacaq".