Dekabrın 14-də yazıçı-şair Cəlil Cavanşirin “Azğın” kitabının təqdimat mərasimi keçirilib.

Maner.az xəbər verir ki, Kitabevim.az mağazasında baş tutan təqdimat mərasimində oxucularla yanaşı, ölkənin ədəbiyyat adamları, incəsənət nümayəndələri və jurnalistlər iştirak edib.

Kitabın naşiri Müşfiq Xan çıxış edərək “Azğın” romanının bədii keyfiyyətlərindən söz açıb, əsərin müasir yerli ədəbiyyatda hadisə olduğunu vurğulayıb. Qonaqlardan Cavidan Novruz, aktyor Elməddin Cəfərov, jurnalist Ceyhun Musaoğlu söz alaraq təbriklərini bölüşüblər.

Çıxışlardan sonra müəllif oxucular üçün yeni kitabını imzalayıb.

Qeyd edək ki, Cəlil Cavanşirin sayca 3-cü romanı, ümumilikdə 10-cu kitabı olan “Azğın” romanı “XAN” nəşriyyatının “Çağdaş ədəbiyyat” silsiləsində nəşr olunub./kulis.az/