Şair Ağasəfanın 77-sinə 3 yarpaq

Yetmiş yeddin kutlu olsun
Uca dağların şairi.
Gülqarışıq söz bitirən
Bağça-bağların şairi.

Saf Ağ-ın sadiq adaşı,
Qarabulağın sirdaşı.
Qədimlərin arkadaşı,
Bizim çağların şairi.

Payına “döz” düşənlərin,
Bağrına köz düşənlərin...
Haqqına söz düşənlərin,
Sözü haqların şairi!..

14.10.2019.
İbrahim İlyaslı

P.S. Bədahətən söylədiyim 1 bəndin 3 xanəlik şeir olmağına vəsilə olan şair Xatirə xanım Fərəcliyə sayğılarımla...