/manera.az
Diqqət! Diqqət! Diqqət!

Kitabsevərlərin nəzərinə!

1 avqust saat 17:00 tarixində gənclərdən ibarət kitab flaşmobu keçiriləcək.

Flaşmobun keçirilməsində məqsəd Azərbaycanda kitaba qayğını artırmaq, kitaba sevgi aşılamaq, diqqəti kitab oxumaya yönəltməkdir.

Flaşmobda insanların intellektual inkişafında kitabın müsbət rol oynadığı müxtəlif hərəkətlərlə nümayiş olunacaq.

Qeyd edək ki, kitab flaşmobunun layihə rəhbəri gənc yazar Dəniz Pənah, təşkilati dəstək manera.az saytıdır.

Flaşmobla bağlı manera.az-a açıqlama verən Dəniz Pənah bildirib ki, əgər bu gün biz inkişafdan, tərəqqidən danışırıqsa, o zaman öncə kitaba olan diqqəti artırmalıyıq. Bilirik ki, bu sarıdan vəziyyət ürəkaçan deyil. Gənclərdə kitaba marağı artırmaq üçün əlimizdən gələni əsirgəməməliyik. Düşünürəm ki, azərbaycanda az-az keçirilən belə bu maraqlı aksiya kitaba diqqətin, qayğının artırılması yönündə faydalı addım olacaq.

Xatırladaq ki, kütləvi flaşmobda yer almaq istəyənlər 1 avqust saat 17:00 tarixində, kitablarıyla bərabər Flarmonia bağına (İçərişəhər metrosunun yaxınlığı) gələ bilərlər.


Manera.az