Ramilə Qardaşxanqızı
YIXILDI

İçimdə bir hiss yıxıldı...
Pis yıxıldı!
Əzdi məni,
Əzdi səni,
Əzdi bizə ümid verən
O dünəni,
Və sabahı...
Gözümdə bir yaş yıxıldı,
Kaş...
... Yəxıldı!
Ürəyimdə sənin adın,
Üstümdəki baş,
Yıxıldı!
Qırdı məni,
Qırdı səni,
Qırdı hələ doğulmamış,
Arzu adlı o körpəni.
Əlimdə bir əl yıxıldı,
Danışmadı dil,
Yıxıldı!
Əl tutmadı ətəyindən?
Dil qaçmadı köməyindən?
Bəs nə oldu,
Nə oldu ki,
Gələcəyim tez yoruldu?!

MANERA.AZ