Manera.az xəbər verir ki,Azərbaycanın Xalq şairi, görkəmli ictimai-siyasi xadimi Sabir Rüstəmxanlının yeni kitabı işıq üzü görüb. Azərnəşrdə nəfis tərtibatla hazırlanan “Azərbaycan adından…” kitabında müəllifin xarici ölkələrə səfərləri ilə bağlı xatirələri yer alıb.

Həm Xalq şairi, həm millət vəkili, həm də Dünya Azərbaycanlıları Konqresinin sədri kimi fəaliyyət göstərən Sabir Rüstəmxanlı səfər etdiyi bütün ölkələrdə Azərbaycan davasını aparıb, Azərbaycanın və bütövlükdə Türk dünyasının sözünü çatdırıb. Kitabda yer alan qeydlər və müşahidələr bu baxımdan xüsusi maraq doğurur.

Müəllifin səfərlərlə bağlı düşüncələri də diqqət çəkir: “Yer kürəsinin gecəsindən gündüzünə və ya əksinə adladıqca elə bilirdim planet mənim əllərimdə fırlanır”.

“Azərbaycan adından…” kitabı həm də millət sevdalı şairin dünyaya təqdim etdiyi Azərbaycan haqqında düşüncələrinin və müşahidələrinin toplusudur.