Azərbaycanın Türkiyədəki səfirliyi nəzdində fəaliyyət göstərən Azərbaycan Mədəniyyət Mərkəzinin direktoru Samir Abbasov İstanbulda yaşayan incəsənət xadimləri və mədəniyyət sahəsində çalışan mütəxəssislərimizlə bir araya gəlib.


Manera.az xəbər verir ki, Azərbaycanın İstanbuldakı Baş konsulluğunda baş tutan bu tədbir, milli mədəniyyətimizin qardaş ölkə Türkiyədə daha geniş tanıdılması və təbliği məqsədini daşıyıb.

Görüşə Azərbaycanın Əməkdar incəsənət xadimi, aktrisa-rejissor Məlahət Abbasova, Xalq artisti Əlixan Səmədov, Türkiyədə fəaliyyət göstərən “Xarıbülbül” Azərbaycan Vizyon Teatr Birliyinin rəhbəri Kamalə Kamal Cabbarova və digər mədəniyyət xadimlərimiz qatılıb.

İştirakçılar səmimi ortamda milli mədəniyyətimizin Türkiyədəki tanıdılması və təbliği istiqamətində aparılacaq işləri müzakirə ediblər.

Görüşdə, xüsusilə Azərbaycan mədəniyyətinin zənginliklərinin daha geniş kütlələrə çatdırılması və mədəni əməkdaşlığın gücləndirilməsi yolları haqqında fikir mübadiləsi aparıldı. İştirakçılar, qarşıdakı aylarda həyata keçiriləcək birgə layihələr və tədbirlər haqqında məlumat verilib, eyni zamanda mədəniyyət sahəsində əməkdaşlıq imkanlarını daha da artırmaq üçün atılacaq addımları müzakirə olunub.

Sonda görüşün Azərbaycan mədəniyyətinin Türkiyədəki tanıdılması və təbliği üçün atılan əhəmiyyətli bir addım olmaqla yanaşı, iki ölkə arasında mədəni əlaqələrin daha da möhkəmləndirilməsinə xidmət edəcəyi bildirilib.

Şəhla Aslan,
Manera.azБесплатные шаблоны для 10.5Forex Портал для чайников