manera.az
manera.az

Qəzəlxan Mahcamalın yeni kitabının təqdimatı olub

Qəzəlxan Mahcamalın yeni kitabının təqdimatı olub
Azərbaycan Yazıçılar Birliyinin Natəvan klubunda şair qəzəlxan Mahcamal Babayevanın “Hələ də gec deyil” adlı yeni kitabının təqdimatı keçirilib.

MANERA.AZ xəbər verir ki, tədbiri Yazıçılar Birliyinin katibi, şair, dramaturq, yazıçı İlqar Fəhmi açaraq Mahcamal Babayevanın klassik janrda yazdığı şeir nümunələrində şairin öz dəst-xətti olduğunu xüsusi qeyd edib. O, yeni kitabın müasir zamanı əks edən qəzəllərində vətənpərvərliyi, insanın duyğu və hisslərinin poetik tərzdə ifadəsinin uğurlu olduğunu diqqətə çatdırıb.

“Azərbaycan” dərgisinin redaktoru, Əməkdar incəsənət xadimi İntiqam Qasımzadə klassik janrda yazan müasir şairlər sırasında Mahcamal Babayevanın xüsusilə seçildiyini bildirib, onun heca vəznində yazdığı şeirlərin möhtəşəmliyini qeyd edib.

Bəstəkarlar İttifaqının katibi, professor, musiqişünas Zemfira Qafarova Mahcamal xanımın "Bizim bağın çəpəri yox" adlı kitabını da xatırladıb.
Qəzəlxan Mahcamalın yeni kitabının təqdimatı olub
Filologiya elmləri doktoru Vaqif Yusifli də kitab haqqında mövqeyini və fikirlərini bildirib. Çıxışının sonunda o, Mahcamal Babayevanın “Külək” qəzəlini söyləyib.

Tədbirin qonağı - Rusiyanın Əməkdar həkimi, tibb elmləri doktoru, Smolensk vilayətinin sabiq senatoru Kozlova Lyudmila Vyaçeslavovna müəllif haqqında ürək sözlərini deyib.

Sonra şairin qələm dostları - şair Firuzə Məmmədli, Əməkdar jurnalist Zemfira Məhərrəmli, "Yada düşdü" dərgisinin redaktoru Nəzakət Məmmədli, şair yazıçı Şövkət Zərin Harovlu, şairin tələbə yoldaşı texnika elmləri doktoru Alçın Şirinzadə ürək sözlərini bölüşüblər.

Daha sonra istedadlı aktyor Tural Əhməd şairin qəzəllərini səsləndirib.

Qeyd edək ki, Təhsil Nəşriyyatı tərəfindən çap olunan “Hələ də gec deyil” kitabının üz qabığının dizaynı istedadlı dizayner, rəssam Rəsul Həsənə məxsusdur.
Qəzəlxan Mahcamalın yeni kitabının təqdimatı olub
Sonda Mahcamal Babayeva Vətən müharibəsinə həsr etdiyi “Oğul olduq” rədifli qəzəlini və həyatdan vaxtsız köçən qızı Aynurun xatirəsinə ithaf olunmuş qəzəlini söyləyib.Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2024    »
 12345
6789101112
13141516171819
20212223242526
2728293031