Bakı Slavyan Universitetinin (BSU) Filologiya fakültəsində xeyriyyə məqsədi ilə “Weihnachtsbasar”(“Milad bazarı”) təşkil olunub.

“Bazar” fakültə nəzdindəki Germanistika İnstitutunun tələbələrinin təşəbbüsü ilə baş tutub.

Burada tələbələrin hazırladığı müxtəlif növ şirniyyatlar, salatlar və içkilər satışa təqdim olunub. Filologiya fakültəsinin dekanı, dosent Zemfira Vəliyeva və dekan müavinləri də “Milad bazarı”nda iştirak edərək kimsəsiz uşaqlar evi üçün toplanan büdcəyə öz töhvələrini veriblər. Z. Vəliyeva çıxışında belə yarmarkaların önəmini bir daha diqqətə çatdırıb və hər zaman tələbələrinin yanında olduğunu, əlindən gələn köməkliyi əsirgəməyəcəyini vurğulayıb.