Beynəlxalq Muğam Mərkəzində Mədəniyyət Nazirliyinin təşəbbüsü və BMM-in təşkilatçılığı ilə Xurşidbanu Natəvanın anadan olmasının 190 illik yubileyinə həsr olunmuş "Xurşidbanu Natəvan 190 - Muğam və qəzəl gecəsi" adlı tədbir keçirilib.

MANERA.AZ xəbər verir ki, konsert gecəsində mədəniyyət və incəsənət xadimləri, ədəbiyyat nümayəndələri iştirak edib.

Tədbirin aparıcısı Yazıçılar Birliyinin katibi, Əməkdar mədəniyyət işçisi İlqar Fəhmi Natəvan yaradıcılığından söz açıb.

Sonra Əməkdar mədəniyyət işçisi, yazıçı, Xurşudbanu Natəvan haqqında kitab və məqalələrin müəllifi Mustafa Çəmənli şairənin yaradıcılığı və irsi haqqında geniş məlumat verib.

Çıxışlardan sonra BMM-nin solistləri Elgiz Əliyev, Vəfa Orucova, Könül Xəlilzadə, Könül Məmmədli, Nisbət Sədrayeva, gənc xanəndələr Rəvan Qaçayev və Murad Laçının Natəvan yaradıcılığından seçmə qəzəllərini muğam üzərində ifa ediblər.

İfalardan öncə sözügedən qəzəllər Mədəniyyət və İncəsənət Universitetinin tələbələri tərəfindən qiraət edilib.



Бесплатные шаблоны для 10.5Forex Портал для чайников