Britaniyalı dizaynerlər pişiklər üçün noutbuk hazırlayıblar.

Klaviaturada caynaq üçün yerlər, həmçinin kompyuter “siçanı” var.

Pişiyin sahibi noutbukun ekranındakı şəkilləri dəyişdirə, onları yeniləri ilə əvəzləyə bilər. Noutbuku olan şəxslər bilirlər ki, bu qurğuların qapağı açıq qalanda hər şeyi bilməyə çalışan “şagirdlər” üçün maraq obyektinə çevrilir. Pişiklər üçün noutbuk əslində oyuncaqdır və kartondan hazırlanıb. Amma o, ekranı, klaviaturası və “siçan”ı olan həqiqi kompyuterə bənzəyir.