Azərbaycan Respublikası Prezidentinin “Bülbülün 120 illik yubileyinin keçirilməsi haqqında” 11 may 2017-ci il tarixli, 2847 nömrəli Sərəncamının icrasını təmin etmək məqsədilə cari ilin 4-7 iyun tarixində Bakıda Azərbaycan professional vokal məktəbinin banisi, görkəmli müğənni, tədqiqatçı-alim və pedaqoq, tanınmış ictimai xadim, SSRİ Xalq artisti, SSRİ Dövlət mükafatı laureatı Bülbül adına Vokalçıların VII Beynəlxalq müsabiqəsi keçiriləcəkdir.

Müsabiqə iştirakçılarını münsiflər heyətinin sədri, Rusiya Federasiyasının Xalq artisti, professor Sergey Leyferkus, Azərbaycandan SSRİ Xalq artisti, professor Fərhad Bədəlbəyli, Gürcüstanın Xalq artisti, professor Teymuraz Ququşvili, Ukraynadan SSRİ Xalq artisti, professor Mariya Stefyuk, Rusiya Akademik Böyük Teatrının gənclər proqramının rəhbəri, Əməkdar incəsənət xadimi Dmitri Vdovin, Almaniyadan Beynəlxalq opera müsabiqələrinin prezidenti Hans-Yoahim Fray kimi musiqi mədəniyyətinin görkəmli nümayəndələri qiymətləndirəcəklər.

Müsabiqədə Azərbaycan, Rusiya, Türkiyə, Ukrayna, Qazaxıstan, Moldova, Monqolustan, Özbəkistan, Gürcüstandan gənc istedadlı vokalçılar iştirak edəcəklər. Eyni zamanda dünya şöhrətli menecer və prodüserlərin fəxri qonaq qismində iştirakı da nəzərdə tutulmuşdur.

Müsabiqənin seçim turları 4-7 iyun 2018-ci il tarixində Azərbaycan Dövlət Akademik Filarmoniyasında keçiriləcəkdir. 4-6 iyun tarixində müsabiqənin I və II turları, 7 iyun tarixində isə Ü.Hacıbəyli adına Azərbaycan Dövlət Simfonik Orkestrinin müşayiəti ilə III tur keçiriləcəkdir.

SSRİ Xalq artisti, Dövlət mükafatları laureatı, professor Bülbülün anadan olmasının 120 illiyinə həsr olunmuş yubiley gecəsi iyunun 8-də saat 19.00-da Heydər Əliyev Sarayında, iyunun 9-da saat 19.00-da isə Gəncə Dövlət Filarmoniyasında baş tutacaq.

Vokalçıların Bülbül adına VII Beynəlxalq Müsabiqəsi

4-8 iyun 2018-ci il

MÜSABİQƏNİN PROQRAMI

Müsabiqənin cədvəli və keçirilmə tarixləri



4 iyun

11.00 – Azərbaycan Dövlət Akademik Filarmoniyası, müsabiqənin açılışı

12.00-15.00 – ifaçıların dinlənilməsi

15.00-16.00 – fasilə

16.00-18.00 – ifaçıların dinlənilməsi

18.00-18.30 – 30 dəqiqə fasilə

18.30-20.30 – ifaçıların dinlənilməsi



5 iyun – II tur

11.00-14.00 – ifaçıların dinlənilməsi

14. 00-15.00 – fasilə

15.00-17.00 – ifaçıların dinlənilməsi

17.00-17.30 – 30 dəqiqə fasilə

17.30-19.30 – ifaçıların dinlənilməsi



6 iyun – III turun məşqləri

10.00-14.00

16.00-19.00



7 iyun – III tur

10.00-14.00 – məşqlər

18.00 – müsabiqə iştirakçılarının çıxışı



8 iyun, 19.00 – Heydər Əliyev Sarayı

SSRİ Xalq artisti, Dövlət mükafatları laureatı, professor Bülbülün anadan olmasının 120 illiyinə həsr olunmuş yubiley gecəsi

İştirak edirlər

Ü.Hacıbəyli adına Azərbaycan Dövlət Simfonik Orkestri

Azərbaycan Dövlət Xor Kapellası

“Vokalçıların Bülbül adına VII Beynəlxalq Müsabiqəsi”nin münsiflər heyətinin üzvləri

“Vokalçıların Bülbül adına VII Beynəlxalq Müsabiqəsi”nin qalibləri



9 iyun, 19.00 – Gəncə Dövlət Filarmoniyası

SSRİ Xalq artisti, Dövlət mükafatları laureatı, professor Bülbülün anadan olmasının 120 illiyinə həsr olunmuş yubiley gecəsi

İştirak edirlər

Ü.Hacıbəyli adına Azərbaycan Dövlət Simfonik Orkestri

Azərbaycan Dövlət Xor Kapellası

“Vokalçıların Bülbül adına VII Beynəlxalq Müsabiqəsi”nin münsiflər heyətinin üzvləri

“Vokalçıların Bülbül adına VII Beynəlxalq Müsabiqəsi”nin qalibləri