Lənkəran Dövlət Dram Teatrının yaradıcı kollektivi klassik fransız dramaturqu Jan Batist Molyerin dünyaca məhşur əsəri olan “Jorj Danden və ya aldadılmış ər” komediyasını tamaşaçılara təqdim edəcək. Hazırda məşqləri davam edən səhnə əsərində Jorj Danden adlı kənd mülkədarının başına gətirilən oyunlardan söhbət açılır. Müflüs olmuş zadəgan ailəsi ilə qohumluq Jorj Dandenə baha başa gəlir. Arvadı tərəfindən aldadılan Jorj nə qədər etsədə arvadının valideyinlərinə sübut edə bilmir. Mənsəbcə böyük olan De Sotanvillər ailəsi həmişə sudan quru çıxmağı bacarırlar. Komediya janrında cəryan edən səhnə əsəri tamaşaçıda gülüş doğurmaqla bərabər həmdə qəhrərəmanın düşdüyü acınacaqlı vəziyyətinə təssüf hissi doğurur.

Yeni tamaşanın qurluşçu rejissoru teatrın baş rejissoru Tural Mustafayevdir.Rejissoru Tərlan Abdullayev,Səhnə tərtibatı Tərlan Sadıqov, musiqi tərtibatı Fərahim Fərəcova məxsusudur. “Jorj Danden və ya aldadılmış ər” komediyasını dilimizə Xalq yazçısı Elçin çevirib.

İyunun sonları üçün premyerası nəzərdə tutulan səhnə əsərində rolları Xalq artisti Qabil Quliyev, əməkdar artistlər Zemfira Nəcəfova və Sucəddin Mirzəyev, aktyorlar Niftulla Əsgərov, Qızılgül Quliyeva, Aynur Əhmədova, Təranə Fərəcova, Sayad Əliyev, Hikmət Cəfərov, Şəbnəm Hüseynova, Rauf Zeynalov, Günel Abbaszadə və digərləri ifa edirlər.



Turan Etibaroğlu
MANERA.AZ

---

---