Bu gün tanınmış teatr rejissoru Azərbaycanın xalq artisti,Prezident təqaüdçüsü Azərbaycan Dövlət Gənc Tamaşaçılar Teatrının rejissoru Vaqif Əsədovun doğum günüdür.Rejissorun 70 yaşı tamam olur.

Qeyd edək ki,Vaqif Firudinoğlu Əsədov 1947-ci ildə Naxçıvanda anadan olub. Vaqif Əsədov 1969-cu ildə Azərbaycan Dövlət İncəsənət İnstitutunun aktyorluq fakültəsini bitirib. 1981-ci ilə qədər o, Naxçıvan Dövlət Musiqili Dram Teatrında aktyor vəzifəsində işləyib. 1981-ci ildən V.Əsədov həmin teatrda rejissor və baş rejissor olub. 1989-cu ildən o, Azərbaycan Dövlət Gənc Tamaşaçılar teatrında quruluşçu rejissor kimi fəaliyyət göstərir. V.Əsədov hələ aktyor kimi işləyərkən yadda qalan bir çox obrazlar yaradıb. Rejissor kimi onun Naxçıvan teatrında hazırladığı "Medeya" tamaşası uğurlu tamaşa kimi vaxtı ilə Moskva televiziyası ilə nümayiş etdirilib. V.Əsədovun Dövlət Gənc Tamaşaçılar teatrında hazırladığı İ.Coşğunun "Açıl, bənövşəm açıl", A.Həsənzadənin "Mağara", "Oxu bülbül" kimi əsərlər gənclərin sevdiyi tamaşalara çevrilib. Rejissorun yaradıcılığı yalnız teatr tamaşaları hazırlamaqla məhdudlaş mamı o, eyni zamanda bir sıra iri miqyaslı Dövlət səviyyəli tədbirlərin quruluşçu rejissoru və ssenari müəllifi olub. Belə tədbirlərdən C.Məmmədquluzadənin 120 illiyi, H.Cavidin 120 illiyi, Zərifə Əliyevanın 80 illiyi, Heydər Əliyevin 80 illiyi, S.Vurğunun 100 illiyi, "Yeni teatr" gənc rejissorların ümumrespublika festivalının açılış və bağlanış mərasimlərini qeyd etmək olar.

Manera.az saytının kollektivi adından Vaqif müəllimi 70 illik yubileyini təbrik edirik ona can salığı uzun ömür arzu edirik,işlərində uğurlar arzu edirik...


Turan Etibaroğlu
MANERA.AZБесплатные шаблоны для 10.5Forex Портал для чайников

---

---