ABŞ-ın Bak adına Qocalmanı Araşdırma İnstitutu alimlərinin keçirdiyi bir sıra tədqiqatlar göstərib ki, qısamüddətli acqalma baş beynə və sinir sisteminə müsbət təsir göstərir. Çünki gündəlik gərginlikdən dincəlməyə və sakitləşməyə imkan verir.

Tədqiqat obyekti meyvə milçəklərinin sürfələri olub. Alimlər onlara müəyyən müddət enerji baxımından əhəmiyyətli olan zülal verməyiblər. Bunun nəticəsində müəyyən ediblər ki, acqalma prosesi bütün sinir sisteminin enerji ehtiyatını saxlayaraq sinir hüceyrələrinin sinoptik fəallığını yatırır. Tədqiqatçıların fikrincə, bu mexanizmdən müxtəlif koqnitiv pozuntularda, əqli qabiliyyətin itirilməsində, yaddaşın zəifləməsi və digər hallarda istifadə edilə bilər.

Alimlər tədqiqatları davam etdirmək niyyətindədirlər.