Peşə ixtisas pilləsi üzrə nəzərdə tutulan dərs vəsaitlərindən istifadə imkanının artırılması məqsədilə bəzi dərsliklər elektron formada paylaşılıb.

Peşə Təhsili üzrə Dövlət agentliyindən AZƏRTAC-a bildirilib ki, 39 ixtisas üzrə 193 sayda peşə ixtisas dərsliyi artıq elektron dərslik portalında yerləşdirilib.

Xatırladaq ki, istifadəçilər dərsliklərlə e-derslik.edu.az portalı ilə yanaşı, Peşə Təhsili üzrə Dövlət Agentliyinin rəsmi səhifəsində də (vet.edu.gov.az) tanış ola bilərlər.