Fikrət Əmirov adına Gəncə Dövlət Filarmoniyasına yeni direktor təyinatı olub.

MANERA.AZ xəbər verir ki, Mədəniyyət naziri Adil Kərimlinin müvafiq əmri ilə bəstəkar, Xalq artisti Aygün Səmədzadə Gəncə filarmoniyasının direktoru vəzifəsinə təyin olunub.

Qeyd edək ki, Aygün Səmədzadə 2011-ci ildə “Əməkdar incəsənət xadimi”, 2018-ci ildə isə “Xalq artisti” fəxri adlarına layiq görülüb.

Xatırladaq ki, bundan əvvəl Gəncə Dövlət Filarmoniyasının direktoru Əməkdar artist Ramil Qasımov idi. Ramil Qasımov nazirin müvafiq əmri ilə Azərbaycan Dövlət Akademik Opera və Balet Teatrının direktor müavini təyin edilib.