Türk dünyasının görkəmli simalarından biri, Türkiyə və Türk Dünyası əlaqələrinin inkişafında mühüm rol oynamış, Avrasiya Yazarlar Birliyinin sədri Dr. Yakup Ömeroğlu vəfat edib.


Y. Ömeroğlu, Türk mədəniyyəti, dili və ədəbiyyatının geniş yayılması və təbliği istiqamətində apardığı işlərlə tanınan bir şəxsiyyət idi.

Dr. Yakup Ömeroğlu, Avrasiya Yazarlar Birliyinə rəhbərlik etdiyi dövrdə Türk dünyasından yazıçıları bir araya gətirərək, mədəni diplomatiya sahəsində əhəmiyyətli addımlar atmışdı. Onun rəhbərliyi altında Birlik, Türk dünyasının fərqli coğrafiyaları arasında mədəni körpü quraraq, xalqların bir-birini daha yaxşı tanımasını və anlamasını təmin etmişdir.

Ömeroğlunun vəfatı, ailəsi və yaxınlarının yanaşı, bütün Türk dünyası üçün böyük bir itki kimi qiymətləndirilir.

Manera.az olaraq, Dr. Yakup Ömeroğluna Allahdan rəhmət, ailəsinə və bütün Türk dünyasına başsağlığı diləyirik. Məkanı cənnət olsun!..