Uşaq yazıçısı Mina Rəşidin yenicə işıq üzü görən “Zəfərdir mənim adım” adlı şeirlər kitabının imza günü keçirilib.

MANERA.AZ xəbər verir ki, imza günü 9-cu Bakı Beynəlxalq Kitab Sərgisi çərçivəsində baş tutub.

“Təhsil” nəşriyyatında çap olunmuş kitabda müəllifin vətənpərvərlik mövzusunda yazdığı şeirlər toplanıb.

Azərbaycan Yazıçılar Birliyinin üzvü, Prezident mükafatçısı olan Mina Rəşidin indiyədək 8 kitabı işıq üzü görüb.

Onlardan 6-sı məhz uşaq ədəbiyyatına aiddir. Onun yeganə nağıl kitabı Türkiyədə “Asmaltı” nəşriyyatının hesabına çap edilib.

Mina Rəşid bir çox ədəbi müsabiqələrin, o cümlədən, Mədəniyyət Nazirliyinin 2020-ci ildə keçirdiyi “Vətənpərvərlik mövzusunda ədəbiyyat müsabiqəsi”ndə esse janrı üzrə 1-ci yerin qalibi olub.

Xatırladaq ki, Mina Rəşidin atası Birinci Qarabağ mühribəsinin mülki şəhidi, iki qardaşı isə qazidir.




Бесплатные шаблоны для 10.5Forex Портал для чайников