Əli Kərim adına Sumqayıt şəhər Poeziya Evində sumqayıtlı şair Hikmət Fərzəlinin yeni nəşr edilmiş “Bir gün gələr...” adlı şeirlər kitabının təqdimat və imza günü keçirilib.

MANERA.AZ xəbər verir ki, tədbiri giriş sözü ilə açan Poeziya Evinin direktoru, AYB “Poeziya Seksiyası”nın rəhbəri şair İbrahim İlyaslı tədbir iştirakçılarını salamladıqdan sonra Hikmət Fərzəlinin həyat və yaradıcılıq yolundan danışıb, eləcə də şairin yeni nəşr olunmuş kitabı ilə bağlı öz ürək sözlərini söyləyib, onu çağdaş poeziyamızda orjinal və maraqlı bir imza kimi dəyərləndirib.

Sonra söz kitabın redaktoru şair-filoloq Ehtiram İlhama verilib. Ehtiram İlham kitabda gedən şeirləri incələyib, Hikmət Fərzəlinin özünəməxsus poetikasından danışıb.

Daha sonra söz alan şairin qələm dostları Xatirə Fərəcli, Elvin Əlizadə, Süleyman Sərraf, Ədalət Nicat, Usta Fəxrəddin, Elvin İntiqamoğlu, Rasim Abduklərim, Qulu Əlioğlu Hikmət Fərzəlini yeni nəşr olunmuş kitabının işıq üzü görməsi münasibəti ilə təbrik ediblər, ona ən xoş arzularını çatdırıblar.

Şairin tədbirdə iştirak edən tələbə dostları – Qara Dəniz Texniki Universitetinin məzunları Rəşad Kazımzadə, Anar Xəyali, Rəcəb Seyfulla, Eldəniz Bağırlı, Eldəniz Həsənli Hikmət Fərzəlinin Türkiyədəki tələblik illərindən söz açıb, onun poeziyasına münasibət bildiriblər.

Şairin doğulub boya-başa çatdığı Cəbrayıl rayonunun aydınları və ictimai xadimləıri – Cəbrayıl rayonundan seçilmiş milıət vəkili Ceyhun Məmmədovun köməkçisi Rəşad Quliyev, Cəbrayıl rayon İcra Hakimiyyətinin Minbaşılı Ərazi Dairəsi üzrə sədr müavini Əlyar Fərzəliyev, Cəbrayıl rayon 5 saylı məktəbin sabiq direktoru Tapdıq Vəliyev, həkim Anar Fərzəliyev və başqaları şair Hikmət Fərzəli ilə qürur duyduqlarını dilə gətiriblər və ona yaradıcılıq uğurları arzulayıblar.

Tədbirin sonunda şair Hikmət Fərzəli tədbirin təşkil olunmasında əməyi keçənlərə, onun imza gününə gələnlərin hər birinə təşəkkürünü bildirib və yeni şeirlərindən nümunələr oxuyub.







Бесплатные шаблоны для 10.5Forex Портал для чайников