manera.az
manera.az

Gənc Tamaşaçılar Teatrı premyeraya hazırlaşır

Gənc Tamaşaçılar Teatrı premyeraya hazırlaşır
Azərbaycan Dövlət Gənc Tamaşaçılar Teatrında fransız dramaturqu Jan Anuyun "Antiqona" əsəri əsasında hazırlanan tamaşanın məşqlərinə başlanılıb.

MANERA.AZ xəbər verir ki, dünyanın bir çox səhnələrində hazırlanan əsərin quruluşcu rejissoru Əməkdar artist Nofəl Vəliyev, rəssamı Telman Şıxıyevdir. Rəqs və plastik həll isə Ceyhun Dadaşova aiddir.

1943-cü ildə, ikinci dünya müharibəsinin düz ortasında qələmə alınan "Antiqona" pyesi bütün dövrlərlə səsləşən, zamanın tələbindən irəli gələn əsərdir. Böyük Edipin ölümündən sonra oğlanları Etokl və Polinik növbə ilə ölkəni idarə etməlidilər. Etokl hökmranlıq müddətini başa çatır. O, hakimiyyəti qardaşı Polinika verməkdən imtina edir. Polinik öz tərəfdarlarını yığıb qiyam edir. Onlar hər ikisi döyüşdə həlak olur. Əmiləri Kreon şah elan olunur. Kreon Etoklı böyük təntənə ilə dəfn etdirsə də, qiyamın təşkil edən Polinikin cəsədini qurd-quşa yem olması üçün şəhər meydanının ortasına atır. Onu dəfn etməyə cəhd edən hər bir kəs ölümə məhkum olunacaq. Bu cəhdi Polinikin kiçik bacısı Antiqona həyata keçirmək istəyir. O, keşikçilər tərəfindən tutularaq şah Kreonun yanına gətirilir. Kreon Antiqonanı iki seçim qarşısında qoyur. O, ya ölümü qəbul etməli, ya da bu işi etməyib sağ qalmağı seçməlidir. Antiqona isə qardaşını dəfn etməklə ölümü seçir.

Antiqona öz seçimi ilə azadlığını bəyan edir. O, həm də həyatda insani davranışın, qardaşına, doğmalarına qarşı borc faktorunun olmasının vacibliyini göstərir. Müəllif bu əsərində dünyanın Antiqona, onun bacısı İsmena kimi insanlara görə var olmasını bir daha vurğulayır.

Premyerası bu ilin noyabr ayı üçün nəzərdə tututlan tamaşada Əməkdar artist Güşvər Şərifova, aktyorlar Kərəm Hadızadə, Aygün Fətullayeva, Anar Seyfullayev, Rəşad Səfərov, Hilal Dəmirov, Şəbnəm Hüseynova, Fəridə Qurbanova, Ramiq Nəsirov, İlhan Sadıqov, Nurlan Süleymanov, Ümman Budaqov iştirak edirlər.

Gənc Tamaşaçılar Teatrı premyeraya hazırlaşır
Gənc Tamaşaçılar Teatrı premyeraya hazırlaşır
Gənc Tamaşaçılar Teatrı premyeraya hazırlaşırБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2024    »
 12345
6789101112
13141516171819
20212223242526
2728293031