Prezident İlham Əliyev Xalq rəssamı Tofiq Ağababayevlə bağlı Sərəncam imzalayıb.

MANERA.AZ xəbər verir ki, Sərəncamla Azərbaycan rəssamlıq sənətinin inkişafında xidmətlərinə görə Tofiq Məmmədəli oğlu Ağababayev “Şöhrət” ordeni ilə təltif edilib.

Xatırladaq ki, sentyabrın 8-də T. Ağababayevin 95 yaşı tamam olub.

Qeyd edək ki, Tofiq Ağababayev monumental dekorativ-tətbiqi sənət, qrafika və boyakarlıq sahəsində əsərlər yaradıb. Bakı şəhərinin ilk baş rəssamı vəzifəsində çalışıb. Paytaxtımızın simvolik açarının düzəldilməsi də sənətkarın adı ilə bağlıdır.