Sentyabrın 4-də Cəfər Cabbarlı adına Respublika Gənclər Kitabxanasında Xalq yazıçısı, professor, ədəbiyyatşünas, ictimai xadim, xeyriyyəçi Əzizə Cəfərzadənin anım günü keçirilib.

MANERA.AZ xəbər verir ki, kitabxananın direktor müavini Günay Həsənova iştirakçılara Ə.Cəfərzadənin yaradıcılığı və ictimai fəaliyyəti haqqında qısa məlumat verib.

Tədbirdə yazıçının oğlu, əsərlərinin naşiri Turan İbrahimov bu cür diqqət və qayğıya görə tədbir təşkilatçılarına, həmçinin iştirakçılara təşəkkürünü bildirib.

Sonda Əzizə Cəfərzadənin həyat və yaradıcılığı haqqında videoçarx nümayiş olunub.

Qeyd edək ki, Xalq yazıçısının anım günü Mədəniyyət Nazirliyinin dəstəyi və Mirvarid Dilbazi Poeziya Məclisi İctimai Birliyinin təşkilatçılığı ilə baş tutub.