Yazıçı Günel İmranın "Maya və beşbaşlı ilan" adlı yeni kitabı nəşr olunub.

MANERA.AZ xəbər verir ki, kitab müəllifin 2016-cı ildə çap olunan "Maya və ifritənin büllur ürəyi" fantastik nağılının davamıdır...

...Bataqlıq ifritəsinin tilsimindən xilas olmaq üçün elflərlə (insanabənzər mifik varlıqlar) birgə mübarizə aparan balaca Mayanın həyatı evlərinə qayıtdıqdan sonra dəyişir, sehrli hadisələr bir-birini əvəz edir. O, bu dəfə pərilər aləmində beşbaşlı ilanın təbiəti məhv etməsinin qarşısını almaq üçün onlara yardım edir. Bir zamanlar pəri olmuş beşbaşlı ilanın timsalında şərlə mübarizə aparır. Balaca Maya bunu bacaracaqmı? Kitabı oxuduqda bu suala cavab tapacaqsınız.

Günel İmran Azərbaycan Yazıçılar Birliyinin üzvüdür. 2017-ci ildə Prezident təqaüdünə layiq görülüb. "Məni kim öldürdü?!" (2014), "Qapqara günəş" (2015), "Maya və ifritənin büllur ürəyi" (2016), "Ömər" (2018) adlı nəsr kitablarının müəllifidir.

525.az