Cəfər Cabbarlı adına “Azərbaycanfilm” kinostudiyasının elan etdiyi “Azərbaycanfilm-100” tammetrajlı bədii film ssenarisi müsabiqəsi yekunlaşıb və qaliblər məlum olub.

MANERA.AZ xəbər verir ki, müsabiqənin qalibi Mirsadıq Ağazadənin "Supəri" ssenarisi olub.

İkinci yerin qalibi Türkan Hüseyn – "Axırıncı palata", üçüncü yer isə Nicat Dadaşov – "Zirzəmi" ssenarisi olub.

Qeyd edək ki, müsabiqədə ümumilikdə 53 ssenari iştirak edib.

Xatırladaq ki, "Supəri" ssenarisi 1993-cü il mart ayının 31-dən may ayının 23-dək Laçın və Kəlbəcər rayonları ərazisində erməni mühasirəsində qalan azərbaycanlıların həyatından bəhs edir.