Filologiya üzrə fəlsəfə doktoru, dosent Fidan Abdurəhmanovanın “İstiqlal arzusu ilə yaşayan şair” kitabı işıq üzü görüb.

MANERA.AZ xəbər verir ki, kitab Şahmar Əkbərzadə haqqında ilk monoqrafiyadır.

Kitabın ön söz müəllifi akademik İsa Həbibbəyli, redaktorları yazıçı-publisist Mustafa Çəmənli və Könül Aslanova, rəyçiləri filologiya elmləri doktorları Vaqif Yusifli, Vüqar Əhməd, hüquq elmləri doktoru Habil Qurbanovdur.

“Elm və təhsil” nəşriyyatında çap olunmuş monoqrafiya “Özü ilə istiqlal arzusunu aparan şair”, “İstiqlal şairləri və Şahmar Əkbərzadə”, “Şahmar Əkbərzadənin lirikasında psixologizm”, “Türk dünyasının şairi”, “Qarabağdan əsən yellər” və “Müstəqillik illərində Şahmar Əkbərzadənin publisistikası” bölmələrindən ibarətdir.