"Ulduz" jurnalının bədii redaktoru, görkəmli rəssam Ədalət Həsənin bu il 85 yaşı tamam olur.

Manera.az xəbər verir ki, bu münasibətlə yubilyarı qəbul edən Azərbaycan Yazıçılar Birliyinin sədri, Xalq yazıçısı Anar tanınmış fırça ustasının həyat və fəaliyyətindən söz açıb, onu namuslu və istedadlı sənətkar kimi xarakterizə edib.

1967-ci ildən bu günəcən çalışdığı "Ulduz" jurnalının bədii tərtibatındakı xidmətlərini yüksək qiymətləndirib. Anar müəllim yubilyarı Azərbaycan Yazıçılar Birliyinin Fəxri Diplomu və pul mükafatı ilə təltif etməklə yanaşı, Ədalət Həsənə ən xoş arzularını çatdırıb.