Filologiya elmləri doktoru, professor Nizami Xudiyev vəfat edib.

Manera.az xəbər verir ki, bu barədə onun qardaşı Azər Xudiyev məlumat verib.

Bildirilib ki, bir müddət əvvəl koronavirusdan sağalan AzTV-nin keçmiş sədri böyrək çatışmazlığından dünyasını dəyişib.

Qeyd edək ki, Nizami Xudiyev 1994–1996-cı illərdə Azərbaycan Dövlət Pedaqoji Universitetinin rektoru, 1996-2006-cı illərdə Azərbaycan Dövlət Televiziya və Radio Verilişləri Qapalı Səhmdar Cəmiyyətinin sədri vəzifələrində çalışıb.

O, 1995-2010-cu illərdə Milli Məclisin deputatı olub.

Nizami Xudiyev 1949-cu ildə Naxçıvan Muxtar Respublikasının Şahbuz rayonunda doğulub. 1990-cı ildən indiyədək ADPU-nun Azərbaycan dilçiliyi kafedrasının professoru idi. 14 kitabın və 400-dən artıq elmi məqalənin müəllifidir.

Allah rəhmət eləsin!