Tanınmış şair Nurafizin "Bəyaz durnalar" adlı şeirlərdən ibarət tərcümə kitabı çap olunub.

Manera.az xəbər verir ki, topluda Rusiyanın müxtəlif regionlarında, həmçinin Qazaxıstanda və Dağıstanda yaşayıb-yaradan 12 tanınmış şairin şeirləri dilimizə tərcümə edilib.

Topluda yaradıcılığından nümunələr yer alan müəlliflərin əksəriyyəti hər il Dağıstanda təşkil olunan “Bəyaz durnalar” ədəbi festivalının iştirakçıları, xalqlar arasında ədəbi əlaqələrin qurulmasında xidmətləri olan şəxslərdir.

Topludakı yaradıcılıq nümunələri Azərbaycan oxucusunun geniş bir arealda yaranan müasir poeziyadan xəbərdar olması üçün xüsusi əhəmiyyət daşıyır.

Qanun nəşriyyatında çap olunan 144 səhifədən ibarət kitabın redaktoru və nəşrə hazırlayanı tanınmış yazıçı Nəriman Əbdülrəhmanlıdır.