Bakıda gənc quramaçı rəssam Humay Zahirqızının əl işlərindən ibarət “Mənim quramam” adlı sərgisi açılıb.

MANERA.AZ xəbər verir ki, “Olimpik Star” idman əyləncə kompleksində reallaşan sərgi xeyriyyə məqsədilə keçirilib. Sərgidə gənc rəssamın 150-dək sənət əsəri nümayiş olunub. Bunların arasında saat fiqurunda zamanın və ömrün unikal formada ifadəsi, gəmi işində müəllifin həyat yolu haqda düşüncələri, güldan və digər əşyalar üzərində daşlardan yaradılan ecazkar rəng çalarları və qədim quramanın bütün çalarları nümayiş olunub.

Yerli və xarici qonaqların da qatıldığı sərgi böyük maraqla qarşılanıb.

Qeyd edək ki, bu, Humay Zahirqızının sayca 9-cu fərdi sərgisidir.

Müxtəlif beynəlxalq müsabiqələrdə birincilik qazanan Humay Zahirqızı “Türk mədəniyyətinə xidmətlərinə” görə mükafata layiq görülüb. Həmçinin H.Zahirqızına Türkiyənin Ankara, İzmir, Samsun və Ordu şəhərlərində keçirdiyi fərdi sərgilərdə layiqli təmsilinə görə Türk Dərnəkləri Federasiyası tərəfindən müxtəlif mükafatlar təqdim olunub.


Бесплатные шаблоны для 10.5Forex Портал для чайников