Xalq artisti Həmidə Ömərovanın hekayələrindən ibarət kitabı nəşr olunub.

Manera.az xəbər verir ki, “Mən öləndən sonra xoşbəxt idim” adlanan kitab Azərbaycan Dövlət Mədəniyyət və İncəsənət Universitetinin nəşriyyatında məhdud tirajla buraxılıb:

“Əslində, kitabı yaxın dostlarım üçün buraxmışam. Əgər tələbat olarsa, tirajını artırıb təqdimat mərasimi keçirmək barədə düşünəcəm.”

Kitaba bir kinossenari, bir serial ssenarisi və 15-20 il ərzində qələmə alınan həyat hekayətləri, o cümlədən vaxtıyla Lent.az saytında yayımlanan köşə yazıları daxil edilib.

Kitabla tanış olanlar müəllifin heç yerdə oxumadıqları təzə yazıları ilə də tanış olacaqlar.

MANERA.AZ