10 mart 2019-cu il tarixində Ekologiya və Təbii Sərvətlər Nazirliyi “Bu yaz özün bir təbiət yarat!” devizi altında yaz ağac əkini mövsümünə start verir.

Manera.az xəbər verir ki, Ekologiya və Təbii Sərvətlər Nazirliyinin Aparat rəhbəri Vüqar Kərimov bildirib ki, jurnalistlərlə birgə yaz ağacəkmə kampaniyası keçiriləcək:

"Yaz ağac əkininin başlanması ilə əlaqədar ETSN jurnalistlərlə birgə Zığ şossesinin kənarında ağacəkmə aksiyası keçirəcək və yeni salınmış yaşıllıq əraziyə “Yaşıl qələm jurnalistlər bağı” adı veriləcək.

Ekologiya və Təbii Sərvətlər Nazirliyi ictimaiyyət nümayəndələrini yaz ağacəkmə aksiyalarında iştirak etməyə çağırır".

MANERA.AZ