Əməkdar jurnalist, tarix elmləri doktoru, professor Qafar Cəbiyevin publisistik məqalələr toplusundan ibarət “Yazılan qalacaq” kitabının təqdimatı və “imza günü” keçirilib. Tədbirdə alimlər, tanınmış jurnalistlər, ziyalılar, tələbə gənclər iştirak ediblər.

Kitabın redaktoru akademik Teymur Bünyadov, rəyçiləri fəlsəfə elmləri doktoru, professor Fərman İsmayılov, əməkdar jurnalist, siyasi elmlər üzrə fəlsəfə doktoru Xalid Niyazovdur.


Tədbirdə “MİRAS” İctimai Birliyinin sədri Fariz Xəlilli və digər çıxış edənlər kitabın məziyyətlərindən, müəllifin ictimai fəaliyyətindən danışıb, bu cür tədbirlərin yeni kitabların təbliği baxımından əhəmiyyətini vurğulayıblar.

Sonda müəllif kitabın nüsxələrini öz imzası ilə tədbir iştirakçılarına hədiyyə edib.