“Bir daşla doqquz quş” layihəsində bu dəfə suallara tanınmış jurnalist Cəlalə Nəzəroğlu cavab verir.

- Niyə varsan?

- Atam sevdiyi qadından qızının olmağını istəyib, mən də var olmuşam.

- Niyə yox olacaqsan?

- Zövq almağa heç nə tapa bilmədiyim üçün.

- Niyə yazırsan?

- Bəzən səssiz düşünməkdən bezdiyim üçün.

- Yaşamaq nədir?

- Səhv etmək, təcrübə yığmaq, doğru qərarlar vermək.

- Ölüm nədir?

- Var ikən də ölmək mümkündür deyə, ölüm-səni düşünərkən heç kimin, heç nə hiss etməməsidir.

- Ədalət nədir?

- Qərar verən insan və ya insanların o an üçün özünü haqqlı bilməsi.

- Azadlıq nədir?

- Azadlıq nəyisə etməyə məcbur olmamaqdır!

- Yaradıcılıq nədir?

- Şəhərin səs-küyündən qaçıb tənha sahildə oturmaq kimi bir şeydir; bir anlıq zövq.

- İnsan kimdir?

- Həyatını bəzən yeriyərək, bəzən dırmanaraq, bəzən də sürünərək keçirən canlı.

Tural İsmyılov,
MANERA.AZ