Məşhur türk aktyor Tarık Akan səhər saatlarında vəfat edib.

MANERA.AZ Türkiyə mətbuatına istinadən xəbər verir ki, bu haqda məlumatı Nazim Hikmət adına Kültür və Sənət Vəqfi yayıb.

Qeyd edək ki, 66 yaşlı aktyor bir müddətdir ki, ağciyər xərçəngindən əziyyət çəkirdi.

Xatırladaq ki, əsl adı Tahsin Tarı Üregil olan aktyor 13 dekabr 1949-cu ildə anadan olub. İlk dəfə 1971-ci ildə “Solan bir yarpaq kimi” filmiylə kamera qarşısına keçib. Daha sonra aktyor “Yeşilçam”ın ən yaraşıqlı oyuncusu kimi məşhurlaşıb.

“Mavi boncuk” , “Sev kardeşim” və “Hababam sınıfı” kimi filmlərdə canlandırdığı rollarla ilə türk filminin unudulmaz adlarından biri olub.