Beynəlxalq müsabiqələr laureatı Nigar Süleymanın “Simli kvartet” əsəri Polşada keçirilən beynəlxalq “WBM” müsabiqəsində birinci yerə layiq görülüb.

MANERA.AZ xəbər verir ki, əsər İkinci Qarabağ müharibəsində şəhid olmuş Rəşad Babayevə həsr edilib.

Şəhidə ithaf edilən əsərdə qəhrəmanın ürək döyüntüləri, mübarizəsi və ölümü əks olunub.

Müsabiqə qalibləri arasında Amerika, Yaponiya, Çindən olan bəstəkarlar da var.

Üzeyir Hacıbəyli adına Bakı Musiqi Akademiyası və Estoniya Musiqi və Teatr Akademiyasının məzunu olan Nigar Süleymanlı Nizami Gəncəviyə həsr olunmuş Romans müsabiqəsinin diplomantı, Bakı Caz Festivalının qalibi (2-ci yer), “Bəstəkarlar üçün çağırış” müsabiqəsinin qaliblərindən biri olub.

2021-ci ildə Estoniya Musiqi və Teatr Akademiyasında Erasmus proqramı çərçivəsində Malle Maltis, Tammo Summera, Lisa Hirsch kimi bəstəkarlardan elektroakustik bəstəkarlıq dərsləri alıb.