Fevralın 3-də Azərbaycan Yazıçılar Birliyinin Natəvan klubunda görkəmli şair, yazıçı və tərcüməçi Zahid Saritorpağın 65 illik yubiley tədbiri keçirilib.

MANERA.AZ xəbər verir ki, tədbiri giriş sözü ilə “525-ci qəzetin” baş redaktoru, MŞ-nın sədri, AYB sədrinin müavini Rəşad Məcid açaraq Zahid Sarıtorpağın sözə, ədəbiyyata xidmətlərindən xeyli danışıb.

Tədbiri aparan yazıçı Orxan Fikrətoglu Zahid Saritorpağın yaradıcılığından söz açıb, onun ədəbi fəaliyyəti haqda məlumat çatdırıb.

Çıxış edən Azərbaycan jurnalınin baş redaktoru İntiqam Qasımzadə Zahid Saritorpağın nəşr əsərlərinin məziyyətlərindən söz açıb.

Daha sonra Əlisamid Kür, Fəxri Uğurlu, Mübariz Örən, Qurban Yaquboğlu və başqaları yubilyar haqda ürək sözlərini deyiblər.

Zahid Sarıtorpaq 1957-ci il mayın 11-də Şamaxı rayonunda doğulub. 1981-87-ci illərdə Moskvada Maksim Qorki adına Ədəbiyyat İnstitutunda təhsil alıb. İlk şeiri 11 yaşında Şamaxıda çıxan "Yeni Şirvan" qəzetində çap olub. "Üfürülmüş çırağın ruhu" (şeir, 2009), "Tək işığın haləsi" (şeir, 2013), "Dərdin sarı çəpkəni" (nəsr, 2017) "Quşların intiharına ağlamayın" (nəsr, 2019) və İranın Tehran şəhərindəki "Yaşmaq" kitab evinin təşəbbüsüylə "Avaz" nəşriyyatında Azərbaycan dilində çıxmış "Qürbət qaysaqları" (şeirlər) və "Kül" (nəsr) kitablarının müəllifidir. Dünya ədəbiyyatının bir sıra məşhur əsərini dilimizə çevirib.

1989-cu ildən Yazıçılar Birliyinin üzvüdür. 2009-cu ildə Prezident Təqaüdçüsü olub. /teleqraf.com/




Бесплатные шаблоны для 10.5Forex Портал для чайников