Dövlət qulluğu üzrə test imtahanının proqramı dəyişdi
Dövlət qulluğuna qəbul məqsədilə 2023-cü ildən etibarən keçiriləcək test imtahanlarının İnformasiya texnologiyaları üzrə proqramında müəyyən dəyişiklik edilib.
Bu barədə MANERA.AZ-a Dövlət İmtahan Mərkəzindən xəbər verilib.
Bildirilib ki, Microsoft Office paketinin "Office 2010" versiyası "Office 2019" versiyası ilə əvəzlənib (link).
Namizədlərə elmi-metodik kömək məqsədi ilə yaxın vaxtlarda Dövlət İmtahan Mərkəzi tərəfindən çap olunacaq “İnformatika” vəsaitinin yenilənmiş nəşrinə "Office 2019" versiyasına aid müvafiq mövzular daxil edilib.