Yazıçı, tərcüməçi Kamran Nəzirlinin İkinci Qarabağ savaşında vuruşmuş qazi və şəhidlərimizə ithaf etdiyi “My Precious Memory” (Mənim sevimli yaddaşım) adlı hekayəsi üç dildə - Azərbaycan, ingilis və rus dillərində çapdan çıxıb.

MANERA.AZ xəbər verir ki, 76 səhifəlik kitabdakı mətni rus dilinə Püstəxanım Axundsoy, ingiliscəyə isə müəllif özü çevirib. Kitab əcnəbi oxucular üçün nəzərdə tutulub.

Kitabın tərtibat və dizaynı Mətanət Qaraxanlının, naşiri Rita Müslümovadır.

Qeyd edək ki, kitab müəllifin “Müasir Azərbaycan nəsri” layihəsi çərçivəsində “Mütərcim” Nəşriyyat-poliqrafiya mərkəzində nəşr edilib.