Koronavirus pandemiyasından minimum itkilərlə çıxmaq üçün karantin rejiminin sərtləşdirilməsinə dair qərar qəbul edilib.

Manera.az xəbər verir ki, bunu Baş nazir Əli Əsədov Nazirlər Kabineti yanında Operativ Qərargahın iclasında açıqlayıb.

Qərara əsasən 6 iyun saat 00:00-dan 8 iyun saat 06:00-dək aktiv yoluxma hallarındakı artımı səbəbindən Bakı, Sumqayıt, Gəncə, Lənkəran şəhərlərində və Abşeron rayonunda sərt karantin rejimi tətbiq olunacaq.

Qərarda göstərilən tələblərə riayət olunması məcburidir və mütləqdir.

Xəstəliyin yoluxma halları digər şəhər və bölgələrdə artacağı hallarda sərt tədbirlər gələcəkdə həmin bölgələrdə də təkrarən tətbiq olunacaqdır.

Qərarın icra olunmasına nəzarət Daxili İşlər Nazirliyinə həvalə olunmuşdur.