Mirzə Fətəli Axundzadə adına Azərbaycan Milli Kitabxanasında Azərbaycanın ilk hərbi naziri, general Səməd bəy Mehmandarovun anadan olmasının 160 illiyinə həsr olunmuş “Səməd bəy Mehmandarov-160” adlı kitab sərgisi açılıb.

Milli Kitabxanadan bildiriblər ki, kitab sərgisində generalın həyat və fəaliyyətini əks etdirən 100-dən çox ədəbiyyat nümayiş olunub.

Sərgidə iştirakçılara məlumat verilib ki, Səməd bəy Mehmandarov 1875-ci ildə üçüncü dərəcəli “Müqəddəs Stanislav” ordeni ilə təltif olunaraq 1890-cı ildə kapitan, 1898-ci ildə polkovnik-leytenant, 1901-ci ildə polkovnik, 1904-cü ildə general-mayor rütbəsi alıb. Bildirilib ki, Rus-Yapon müharibəsində böyük rəşadət göstərdiyinə görə 1908-ci ildə ona general-leytenant rütbəsi verilib.