Azərbaycan Milli İncəsənət Muzeyində fevralın 13-də milli adət-ənənələrin müzakirəsi, eləcə də toy atributikası, geyimləri, zinət əşyaları ilə bağlı tədbir keçiriləcək.

Manera.az xəbər verir ki, “Deyirlər ki, toy olacaq” adlı tədbirdə iştirak edən hər kəs bu qədim ənənəmiz barədə onları maraqlandıran sualları birbaşa etnoqraf-alim Solmaz Məhərrəmovaya ünvanlıya biləcək.

Qeyd edək ki, xalqımızın milli-estetik dəyərlərin tərənnümçüsü olan toy kimi gözəl adəti var. Toy hər bir xalqın milli-etnik davranış normalarını, vərdişlərini, ailə-məişət etikasını varislik baxımından yaşatmaqla yanaşı, xalqın bədii yaradıcılığının mənbəyi kimi də böyük əhəmiyyətə malikdir.