“Bir daşla doqquz quş” layihəsində bu dəfə suallara Rəbiqə Nazimqızı cavab verir.

- Niyə varsan?

- Yaradılışım məndən asılı olmayıb, davamına gəlincə, yaşamaq maraqlıdır.

-Niyə yox olacaqsan?

- Bunu da Yaradan bilir.

-Niyə yazırsan?

- Bəlkə, başqa heç nə bacarmıram deyə. Ya da darıxmayım deyə. Bilmirəm.

- Yaşamaq nədir?

- Portağal ətri, yaz havası, payız sərinliyi, çiyələk mürəbbəsi, Günəş sarısı... hər şey...

- Ölüm nədir?

- Bilmirəm. Bilmədiyim üçün bir az qorxuludur, bir az da... bunu qorxa-qorxa deyirəm... bir az da maraqlı...

- Ədalət nədir?

- İnsan uydurması.

- Azadlıq nədir?

- Bəlkə, ölüm, bəlkə də, heç o da deyil.

- Yaradıcılıq nədir?

- Hər şey!

- İnsan kimdir?

- İçində Nur olan bütün adamlar.

Tural İsmyılov,
MANERA.AZ